News

Coronavirus: 1.859 porsones cun test positif al Covid-19

L'Aziënda sanitara dl Südtirol comunichëia i dac ajorná a livel provinzial sön la situaziun dl'epidemia da Covid-19.

Tles ultimes 24 ores él gnü controlé 1.104 tesc, pro 68 de chisc é le resultat sté positif. 1859 porsones á le Coronavirus tl Südtirol (Foto: freepik.it)

L’Aziënda sanitara dl Südtirol ciara inant da ciafé sö le numer dles porsones che s’á taché le Coronavirus. Chiló dessot ciafëise i dac ajorná incö dadoman (8 d’aurí): ti laboratori él gnü ejaminé tles ultimes 24 ores 1.104 tesć, pro 68 de chisc é le resultat sté positif. Sön la basa de chisc dac, lasciá alsavëi dal’Aziënda sanitara dl Südtirol, é le numer dles persones cun n resultat dl test dl Coronavirus positif 1.859.

Indöt él gnü fat cina sëgn tla provinzia dal’Aziënda sanitara 18.870 tesć a 9.752 porsones.

Al é indöt 229 paziënc Covid-19 tles repartiziuns normales di set ospedai dl’Aziënda sanitara y tla basa logistica dles forzes armades arjignada ca aposta a Gossensaß. 25 porsones vëgn curades tla clinica Villa Melitta, 17 tla clinica Bonvicini a Balsan y 14 tla clinica S. Anna de Maran. 56 porsones assistides tles strotöres dl’Aziënda sanitara dl Südtirol é caji sospec.

Al é 50 porsones tles repartiziuns de terapia intensiva. Implü él 9 paziënc te repartiziuns de terapia intensiva tl’Austria (Reutte, Lienz, Hall, Innsbruck, Feldkirch) y tla Germania (Lipsia).

Ti ospedai él mort 111 porsones porvia dl Covid-19. 67 porsones é mortes tles ciases de palsa. Indöt él mort 178 porsones tl Südtirol porvia dl Covid-19.

3.426 porsones é sëgn te carantena obligatoria o isolamënt a ciasa.  3.625 porsones á bele stlüt jö la carantena y l’isolamënt a ciasa. Cina sëgn ti él gnü scrit dant a 7.051 porsones da sté te carantena.

I operadus dl’Aziënda sanitara cun test positif é 191.

Plü 11 doturs de medejina generala y dui doturs di mituns de lita lëdia.

325 porsones é varides dal Covid-19.

I numeri en cört:

tesć fac inier (7 d‘aurí): 1.104

tesć positifs cina incö dadoman: 68

numer complessif di tesć fac: 18.870

numer dles porsones sotmetüdes al test: 9.752

numer dles porsones cun resultat dl test positif: 1.859

paziënc Covid-19 tles repartiziuns de ospedal normales y a Gossensaß: 229

paziënc tles cliniches convenzionades: 56

numer de paziënc Covid-19 te repartiziuns de terapia intensiva: 50

numer de paziënc Covid-19 te repartiziuns de terapia intensiva forestes: 9

caji sospec: 56

porsones mortes ti ospedai dl’Aziënda sanitara: 111

porsones mortes indöt (cun lapró les ciases de palsa): 178

porsones en carantena obligatoria o isolamënt a ciasa: 7.051

porsones te isolamënt a ciasa: 3.426

porsones che á stlüt jö la carantena y l’isolamënt a ciasa: 3.625

porsones varides: 325

colaboradus dl’Aziënda sanitara cun test positif: 191

doturs de medejina generala y doturs di mituns de lîta lëdia positifs: 13

Les tabeles cun le numer dles porsones cun le resultat dl test positif partides sö por Comun, y cun i dac dles porsones te carantena, gnará ajuntades pornanche ares sará danman.

 

USP/asds

Galaria dales fotografies