News

Ju de Ciaulunch: Laurs de prescia mët man, la strada resta daverta

Le Sorvisc Strades de Puster lascia alsavëi che i laurs de ressanamënt de prescia de n toch dla strada che porta al Ju de Ciaulunch mët man ai 6 de lugio. La zircolaziun é tres garantida.

Sön n toch dla strada che porta al Ju de Ciaulunch tl Comun de Corvara él nezesciar da fá laurs de prescia. Al se trata de laurs de ressanamënt dla strada do i danns guajia dal maltëmp por indöt 700 metri.

Finanziamënt tres l’Uniun Europeica

Le proiet é poscibl tres n finanziamënt spezial tres n fonds dl’Uniun Europeica. I laurs gnará stlüc jö te na manira asvelta por garantí le plü atira che ara vá la zircolaziun sigüda sön döt le ju por düc chi che adora la strada, sides por la jënt dl post co por i ghesć. Implü é na zircolaziun sigüda fondamentala por les impreses, les üties y la gastronomia tles vijinanzes dl ju de Ciaulunch. La strada podará dedô ince indô gní anuzada por les manifestaziuns dla roda.

I laurs vëgn coordiná dal Sorvisc Strades de Puster y piará ia en lönesc, ai 6 de lugio. Tratan i laurs sará la strada tres daverta ma sön öna na striara.

USP/USP