News

Termin per dé ju la dumandes per finanziamënc culturei: 15 de nuvëmber

Per rejons tecniches ie l ultim termin per dé ju la dumandes che reverda n sustëni per nvestimënc culturei ai 15 de nuvëmber 2020.

Termin per dé ju la dumandes per finanziamënc culturei: 15 de nuvëmber

L Ufize Cultura ladina y Junëza lascia al savëi che per rejons tecniches ie l ultim termin per dé ju la dumandes che reverda n sustëni per nvestimënc culturei ai 15 de nuvëmber 2020.

Aldò dl art. 8 dla deliberazion dla Jonta provinziela n. 344/2020 possa fé dumanda lies cultureles che fej adatamënc digitei per pudëi pité servijes nce online. L possa unì cunzedù contribuc nchina al 95%.

L possa unì finanzià: hardware y software, lizënzes per plataformes IT, per video -online y cunferënzes audio; la compra y l’espanscion dla banda lergia; spëises per fé o atualisé la plata web.

I contribuc vën partì ora nchina che l ie mo finanziamënc a desposizion y vën cunzedui aldò de chisc criteres de cualità: inovazion dl proiet de nvestimënt; coerenza dl proiet de nvestimënt; sustenibltà dl nvestimënt.

Sëuraprò lascia l ufize al savëi che l ie nce puscibl fé dumanda per proiec digitei, artistics y publicazions per l  2020. Nce tlo ie l ultim tiermul ai 15 de nuvëmber acioche duta la dumandes possa mo unì tratedes. Per nfurmazions plu avisa pudëis ti scrì a culturaladina@provinzia.bz.it o cherdé su l numer 0471/417021.

USP/USP

Galaria dales fotografies