News

Zënter scolastich La Ila: Convenziun firmada danter Provinzia y Comun

Por la realisiaziun dl Zënter scolastich da La Ila él gnü fat le proscim vare: l’assessur Massimo Bessone y l’ombolt Iaco Frenademetz á firmé la conveziun.

Le Zënter scolastich da La Ila dess gní amplié. (Foto:USP)

Püc dis do l’aprovaziun dla Junta provinziala dla convenziun danter Provinzia y Comun por la costruziun dl Zënter scolastich nü da La Ila á l’assessur por le frabiché y le patrimone Massimo Bessone firmé adöm al ombolt da Badia Iaco Frenademetz le documënt. Le Consëi de Comun da Badia á aprové inier ai 10 de dezëmber la convenziun.

N vare important por la Val Badia

“Cun la firma sön la convenziun él gnü fat n vare important por la realisaziun de chësc proiet che é de valüta sides por le Comun, mo ince por döta la valada”, á dit Bessone. Cun i laurs ti vëgnel ince dé na sbürla al’economia, dij l’assessur.

Scomenciamënt di laurs de merz dl 2023

Sön le program él sëgn la surandada dla proietaziun de ma dl 2021. Le proiet dla fatibilité tecnica y economica dess ester dan man de novëmber dl 2021. Le proiet definitiv dess ester sön mësa por aurí dl 2022 y spo gnarál arjigné ca le proiet d’esecuziun. “Sce döt vá bun spo podun surandé  i laurs de forá dl 2023 y mët man le mëis dedo”, insciö Bessone.

Provinzia y Comun laora deboriada

Sciöche preodü dala convenziun él le Comun che surantol la planificaziun dl proiet y sará responsabla dla esecuziun di laurs. La Provinzia sará responsabla dl control y dla ispeziun. La realisaziun dl Zënter scolastich nü prevëiga l’ampliamënt dl frabicat dles scores altes cun la realisaziun de na scora de musiga nöia y de n’abitaziun por le verdaciasa. Indöt él preodü 15,8 miliuns de euro de investimënc, 10,4 miliuns gnará finanziá dala Provinzia.

Video Zënter scolastich La Ila

Video Firma convenziun

Video Invervista assessur Bessone

Audio Intervista assessur Bessone

Video Intervista ombolt Frenademetz (ladin)

Audio Intervista ombolt Frenademetz (ladin)

 

USP/sa/san

Galaria dales fotografies