News

Micurá de Rü: La Junta provinziala á nominé le CdA nü

Elmar Castlunger, Giorgio Costabiei y Monika Senoner é la rapresentanta y i rapresentanc nüs dl Consëi d’Aministraziun dl Istitut Ladin Micurá de Rü: chësta dezijiun á tut incö la dezijiun dla Junta.

Sön proposta dl assessur por la scora y cultura Daniel Alfreider á la Junta provinziala nominé ai 23 de merz dl 2021 la rapresentanta nöia y i rapresentanc nüs dl Consëi d’aministraziun nü dl Istitut cultural Micurá de Rü: al se trata Elmar Castlunger (nominé sön proposta dla Junta), Giorgio Costabiei (nominé sön proposta di Comuns) y Monika Senoner (nominada sön proposta dl sistem scolastich ladin). Aladô dl Statut dl Istitut mëss le Consëi de aministraziun gní nominé danü vigni trëi agn.

L’assessur ladin Daniel Alfreider sotlignëia l’importanza dl Consëi de aministraziun por le funzionamënt dl Istitut Ladin, deache „al á les funziuns prinzipales da aprové le program d’ativité anual, le budget economich y d’investimënt y da definí les priorités di proiec. Al lita le presidënt/a, nominëia la Comisciun culturala y formulëia propostes de mudamënt dl statut”. La rapresentanta y i rapresentanc nominá é gnüs chiris fora porvia de sües competënzes y por l’esperiënza tl setur dla cultura, dla lege y dla aministraziun, insciö Alfreider che rengrazia i comëmbri dla perioda da denant Erika Castlunger, Roland Demetz y Heinz Videsott por so laur.

Por ci che reverda i Comuns gnarál baraté jö tresfora danter ombolc/assessuries y assessurs dla Val Badia y de Gherdëna. Na novité é ince che le Consëi d’aministraziun romagn en ciaria por alplü trëi mandac, da süa nominaziun al’aprovaziun dl ultim bilanz de süa inciaria.

USP/rc