News

Scolines: seleziun por la nomina de diretur/ia dla seziun "Ladinia"

Al é gnü scrit fora na prozedöra de seleziun por la nomina a direturia o diretur dla direziun dles scolines “Ladinia” pro la Direziun provinziala Scolines y scores ladines.

La prozedöra de seleziun por por la nomina a direturia o diretur dla dla direziun dles scolines “Ladinia” pro la Direziun provinziala Scolines y scores ladines é gnüda publicada ai 10 de merz söl Boletin ofizial n. 10 dla Regiun Trentin-Südtirol.

I recuisic por tó pert 

Ala seleziun él ametüdes/ametüs i insegnanc y les insegnantes dles scolines y dles scores elementares en posses de n Diplom de laurea magistrala te Sciënzes dla formaziun primara o de n diplom de laurea dl ordinamënt vedl de Sciënzes dl’educaziun, Pedagogia o Psciologia o de na laurea specialistica/magistrala y cun n’anzianité de sorvisc de almanco cater agn te na scolina o scora elementara.

Implü mëss les candidates/i candidac ester dl lingaz dla uma ladin y avëi l’atestat de conescënza di lingac talian y todësch sciöche preodü dal DPR 26 luglio 1976, n. 752. Implü vëgnel damané l’atestat dl ejam de ladin organisé dal’Intendënza ladina sciöche preodü dal DPR 10.02.1983, n. 89, art. 12, comma 6.

Al é poscibl da presenté la domanda d’amisciun tres email al’Intendënza y Cultura ladina cina les ores 24 de vëndres, ai 9 de aurí dl 2021.

Por de plü informaziuns cliché chiló.

USP/red