News

Bonus-IT: Regoles tleres por fá domanda

Cina ai 16 de novëmber él poscibl por le personal dles scores y scolines da fá domanda online por la retüda de cina 520 euro por lac cumpra de produc de hard- o software.

Dan da n’edema él la Junta provinziala che á dé süa aprovaziun al “bonus-IT” por le personal dles scores y scolines. Chësta mosöra prevëiga la poscibilité da ciafé zoruch sciöche retüda de na spëisa fata por la cumpra de produc de hard- y/o software che taca adöm cun l’insegnamënt a destanza tratan la perioda dl coronavirus. La perioda de cumpra di produc é gnüda stabilida dai 5 de merz dl 2020 cina ai 15 de novëmber dl 2021. Do l’aprovaziun da pert dla Junta provinziala él sté les trëi Direziuns scolastiches che á lauré fora adöm ala “Südtiroler Informatik AG (SIAG)” le sorvisc online por fá les domandes. 

Cina sëgn él gnü dé jö 2270 domandes, de chëstes 1788 pro le Departimënt Scora todëscia, 415 pro le Departimënt Scora taliana y 45 pro ll'Intëndenza y Cultura ladina. Por fá domanda por chi che laora tl sistem scolastich ladin prëibel cliché chiló

Regoles tleres por fá domanda 

Les regoles por fá domanda é tleres. Al é poscibl da fá domanda sce le cunt dla cumpra di produc de soft- o hardware é gnü intesté ala porsona che fej domanda o sce al é gnü tut ca le cunt bancar che an á adöm al partner de matrimone. Ince le paiamënt en contanc vëgn conscidré, mo ma ti caji che la cubita é gnü intestada ala porsona che fej domanda o sce an pó desmostré che le paiamënt é gnü fat tres le cunt dl insegnant/dla insegnanta.

An pó ciamó fá domanda cina ai 16 de novëmber tres le sorvisc online. Dötes les informaziuns nezesciares söi vari da fá por dé jö la domanda pon ciafé chiló.


Clican chiló röiun ala verjiun originala dl comunicat stampa por visualisé imajes, documënc o video che taca lapró

USP/jw